Helseteknologi - smarte løysingar for eit godt og sjølvstendig liv

Helseteknologi er samlenamnet vi brukar på teknologi som skal gjere det enklare og tryggare for deg å klare deg sjølv i kvardagen, trass i sjukdom eller andre fysiske eller psykiske utfordringar. 

Helseteknologi er ikkje ei eiga teneste, men ein måte å gi helsetenester på. Målet med å ta i bruk helseteknologi er at du skal kjenne deg trygg, klare deg sjølv og bu lengre heime.

Bjørnafjorden kommune tildeler enkelte typar helseteknologi som ein del av tenestene våre, etter søknad.

Kva kan du søkje kommunen om?

  • Digitalt tilsyn: Tilsyn i heimen utan at heimetenesta alltid treng å oppsøkje deg fysisk.
  • Elektronisk medisindispenser som gir beskjed når du skal ta medisinen din og sender varsel om du har gløymt å ta han.
  • Tryggleiksalarm kan nyttast i situasjonar der du treng hjelp, for eksempel ved fall.
  • Røykvarslar som er direkte kopla til alarmsentralen. Tilbodet blir gitt etter ei individuell vurdering av behov. Ved røyk eller brann blir alarmsentralen varsla, og dei varslar vidare til nødetatane. For å få ein slik røykvarslar må du allereie ha tryggleiksalarm frå kommunen, og det må vere eit særleg behov for å kopla røykvarslaren til denne tenesta. 
  • Dørsensor som registrerer når ei dør blir opna. Dørsensoren varslar alarmsentralen, som deretter varslar pårørande eller heimetenesta dersom du til dømes går ut om natta og treng ekstra oppfølging. Det er ein føresetnad at du har tryggleiksalarm frå kommunen for å kople på dørsensor.
  • Digital heimeteneste: Oppfølging frå heimetenestene via skjerm. 

Slik søkjer du

Fyll ut digitalt skjema Søknad om helse- og omsorgstenester (du må logge på med BankID)

eller bruk søknadsskjema for helse- og velferdstenester  (DOCX, 63 kB)

  • Skriv ut skjemaet, skriv under og send i posten til Bjørnafjorden kommune, avdeling for forvaltning og koordinering, postboks 24, 5649 Eikelandsosen.
  • Dersom det er andre som søkjer for deg, må du legge ved fullmakt

Vanlege spørsmål om helseteknologi

Korleis får eg helseteknologiske løysingar?
Kostar det noko å få helseteknologiske løysingar frå kommunen?
Kva skjer når eg ikkje lenger kan bruke desse løysingane?

Kva kan du skaffe sjølv?

Det er mange andre ulike verktøy og hjelpemiddel du sjølv kan skaffe deg for å gjere kvardagen din betre. Det kjem stadig nye teknologiske løysingar på marknaden. "Dingsane" kan gjere kvardagen din lettare og tryggare, og bidra til at du kan klare daglege aktivitetar på eiga hand. 

Eksempel på "dingsar" du kan skaffe sjølv

Kontakt

Avdeling for forvaltning og koordinering
Telefon: 91672072