Manntalet er ei liste over alle personar som har stemmerett ved val i Noreg. Informasjon frå folkeregisteret ligg til grunn for manntalet. Kor du har stemmerett er derfor avhengig av kva kommune du er er folkeregistrert i per 30. juni i valåret.
Bjørnafjorden kommune legg ut manntal for kommunestyre- og fylkestingsvalet 2027 til offentleg ettersyn i Kommunetorget, Bjørnafjorden rådhus og Bjørnafjorden bibliotek, filial Eikelandsosen, i ordinær opningstid.
Dersom du melder flytting til ein annan kommune etter 30. juni i valåret, har du stemmerett i din gamle bustadkommune. Ved melding om flytting før 30. juni i valåret, vil du ha stemmerett i den nye bustadkommunen.
Krav om retting av feil eller klage
Det er ikkje ofte det er feil i manntalet, men vi kan sjølvsagt ikkje utelukke at dette kan skje. Merk at krav om retting av eventuelle feil ikkje gjeld for veljarar som har flytta etter 30. juni. At du flytter etter denne datoen, og dermed står manntallsført i ein annan kommune enn der du er registert som busett på valdagen, er ikkje feil. Det er ikkje høve til å føre manntalet i strid med folkeregisteropplysningar på dette tidspunktet.
Krav om retting av feil, oppdaga feil eller klage skal sendast:
Bjørnafjorden valstyre
Pb 123
5202 OS
eller på e-post til val@bjornafjorden.kommune.no
Les meir om kommunestyre- og fylkestingsvalet 2027 på valg.no