Om langtidsopphald

Langtidsopphald i sjukeheim er det høgaste omsorgsnivået vårt og eit tilbod til deg som treng pleie og omsorg heile døgnet. Tilbodet er hovudsakleg retta mot personar over 67 år. 

Tenesta kan bli gitt ved Fusa bu- og behandlingssenter eller ved Luranetunet bu- og behandlingssenter. 

Kven kan få tilbod om langtidsopphald?

Du har rett til opphald i sjukeheim eller tilsvarande buform dersom vi, etter ei tverrfagleg vurdering, finn at dette er det einaste tilbodet som kan sikre nødvendige og forsvarlege helse- og omsorgstenester. 
Kor du får plass, kjem an på kor vi har ledig og kva omsorgsbehov du har. 

For deg som får langtidsopphald, ønskjer vi å inngå ein avtale med pårørande for tydeleg rolleavklaring.  

Du kan få innvilga langtidsopphald dersom

  • du allereie har prøvd tenester og helseteknologi som kan hjelpe deg med å bu heime, og at desse, saman med nettverket rundt deg, ikkje lengre klarer å gi deg forsvarleg hjelp heime.
  • du har eit varig og omfattande behov for heildøgns helse- og omsorgstenester på grunn av fysisk og/eller psykisk funksjonstap.

Spesialavdeling i sjukeheim kan vere aktuelt for deg som har eit spesielt komplekst og samansett sjukdomsbilete. 

Kva kostar tenesta?

Du må betale eigendel for langtidsplass. Vi reknar ut kor mykje du skal betale ut ifrå Forskrift om eigendel for helse- og omsorgstenester

Slik søkjer du

Fyll ut felles søknadsskjema for helse- og velferdstenester  (DOCX, 63 kB)

  • Skriv ut skjemaet, skriv under og send det i posten til Bjørnafjorden kommune, postboks 24, 5649 Eikelandsosen
  • Dersom det er andre som søkjer for deg, må du legge ved fullmakt
  • Ved søknad om alle typar opphald i sjukeheim/omsorgsbustad, hentar vi informasjon om helsetilstand og behov frå lege
  • Ved søknad om plass i avdeling for demens, må søkjar vise til ein dokumentert demensdiagnose frå lege

Vanlege spørsmål og svar om langtidsopphald

Ansvaret ditt/pårørande sitt
Kva skjer dersom eg er innvilga plass, men blir sett på venteliste?
Kan det bli aktuelt å bytte avdeling?
Eg har langtidsopphald, men ønskjer å bytte sjukeheim. Er det mogleg?
Kva skjer med dei andre tenestene mine når eg får langtidsopphald?
Kan eg bu saman med ektefelle/sambuar?
Lovgrunnlag

Meir informasjon

Retningslinjer knytt til ønske om flytte av langtidsplass frå ein sjukeheim til ein annan (PDF, 18 kB)

Kva skjer vidare med søknaden?

Innsyn og registrering av opplysningar i samband med helse- og velferdsstenester

Klage på helse- og velferdstenester