Heimehjelp

Heimehjelp kan hjelpe deg som ikkje kan gjere alt husarbeidet sjølv. Målet er at du skal kunne bu heime lengst mogleg og meistre dagleglivet.
Vi ønskjer at det blir inngått ein avtale med pårørande for tydeleg rolleavklaring.

Kva kan heimehjelpa hjelpe deg med?

  • Alminneleg reingjering av opphaldsrom som er i dagleg bruk (støvsuge, vaske golv, vask av bad/WC)
  • Skifte sengeklede
  • Vaske klede
  • Bestille nødvendige daglegvarer dersom du ikkje klarer dette sjølv eller har nokon som kan hjelpe deg med dette.

Heimehjelpa hjelper ikkje med stryking av klede, rydding, storreingjering, stell av kjæledyr eller vedlikehald i hus og hage.

Målet er at du skal kunne bu heime så lenge som mogleg. Difor er det viktig at du gjer dei oppgåvene du kan for å halde aktivitets- og funksjonsnivået ditt ved like. Vi anbefaler òg at du vurderer moglegheita for å ta i bruk enkle teknologiske hjelpemiddel som er tilgjengelege i handelen, som robotstøvsugar/-golvvaskar.

Kven kan søkje om tilbodet?

Du kan få vedtak om heimehjelp dersom:

  • du ikkje klarer å gjere husarbeid sjølv eller ved hjelp av teknologiske hjelpemiddel
  • du ikkje bur saman med ektefelle, familie eller andre som kan vareta eller ta del i oppgåvene
  • det kan få helsemessige konsekvensar dersom du får hjelp

Ut frå desse kriteria gjer vi ei fagleg og individuell vurdering av behovet ditt i samarbeid med deg. Kor mykje hjelp du får, er basert på ei individuell vurdering av situasjonen din. Det vanlegaste er å få hjelp til reingjering ein time annakvar veke.  

Ansvaret ditt
Kor mykje hjelp kan eg få til praktiske oppgåver?
Kan eg bestemme kva som skal gjerast?
Må eg rydde før heimehjelpa kjem?
Kan heimehjelpa handle matvarer for meg?
Korleis skal eg klare meg med så lite heimehjelp?
Får eg heimehjelp også i sommarferien og på heilagdagar?
Eg skal få gjester på besøk, kan eg få hjelp til å stelle i stand eller rydde opp?
Eg synest heimehjelpa er for dyr, kva kan eg gjere?

Slik søkjer du

Fyll ut digitalt skjema Søknad om helse- og omsorgstenester (du må logge på med BankID)

eller bruk PDF-skjema søknadsskjema for helse- og velferdstenester  (PDF, 127 kB) (DOCX, 63 kB)

  • Skriv ut skjemaet, skriv under og send i posten til Bjørnafjorden kommune, avdeling for forvaltning og koordinering, postboks 24, 5649 Eikelandsosen.
  • Dersom det er andre som søker for deg, må du legge ved fullmakt

Kva skjer vidare med søknaden?

Kva kostar tenesta?

Sjå oversikt over kommunale gebyr, prisar og avgifter.

Prisane blir fastsette årleg av kommunestyret i Bjørnafjorden.

Kontakt

Avdeling for forvaltning og koordinering
Telefon: 91672072