Avlasting

Vi ønskjer at det blir inngått ein pårørandeavtale for tydeleg rolleavklaring.  

Kven kan få tenesta?

Du kan få innvilga avlasting dersom omsorgsarbeidet du utfører er særleg tyngande. 
Det vil seie at det:

• utgjer mange timar 
• er fysisk eller psykisk belastande
• inneber nattarbeid
• går føre seg over tid
• fører til sosial isolasjon og mangel på fritid og ferie 

Dette har du ansvaret for

• Å følgje opp avtalar
• Å gi og oppdatere nødvendig informasjon
• Å ta med legemiddel, toalettsaker og nødvendig medisinsk forbruksmateriell
• Å sjå til, i samråd med fastlege, at avlastinga har tilgang på oppdatert informasjon, dokumentasjon og prosedyrar tilknytt legemiddel og medisinsk behandling
• Å sikre at det er med nok klede til opphaldet, og at klede og sko er tilpassa årstida
• Å ha med nok lommepengar dersom det er aktuelt å vere med på aktivitetar som kostar noko 

Dersom avlasting skjer i heimen, har du ansvar for å tilrettelegge arbeidsplassen for avlastarane i samsvar med krav i arbeidsmiljølov og HMS-forskrift. Lokala må vere eigna til tenesta, og dei tilsette skal ha tilgang på toalett og moglegheit til å ta pause i eit eige rom. Dei tilsette har også krav på eit røykfritt arbeidsmiljø.  

Kva kostar tenesta?

Du betaler ikkje eigendel for avlasting. Ved aktivitetar må eigne utgifter dekkast.