Søk om tilskot til tilpassing/prosjektering og utgreiing av bustad

• Du må gi fullstendige og riktige opplysningar som er relevante for søknaden. 
• Du må ha dialog med ergoterapeut eller anna helsepersonell som bekreftar behovet for tilpassing. 
• Du må innhente pristilbod frå minst to ulike tilbydarar. 
• Du må prøve å få tilpassinga gjort så rimeleg som mogleg. 
• Dersom du bur i leigd bustad, må du ha dialog med huseigar for å få godkjent tilpassingstiltaket. 

Ordninga omfattar alt frå enkle tiltak til større ombyggingar. Du får ikkje tilskot til oppussing og ordinært vedlikehald. Meir informasjon finn du på Husbanken si heimeside.

Tilskot til tilpassing

• Tilskot til tilpassing skal bidra til at personar med nedsett funksjonsevne, som har behov for tilpassa bustad, får gjort dei nødvendige tilpassingane. 
• Målet med tilpassinga er at bustaden skal bli betre eigna og tilrettelagt, og at du kan halde fram med å bli buande heime. 

Økonomisk behovsprøvd

• Tilskot til tilpassing er økonomisk behovsprøvd. Dersom du har økonomi til å dekke kostnadar ved tilpassinga sjølv, kan du ikkje rekne med å få tilskot til tilpassing. 
• Vi gjer individuelle vurderingar i kvar sak, der vi ser på husstanden sin samla økonomi og behov for tilpassing. I vurderinga vil vi også sjå på moglegheiter for å finansiere tilpassinga med startlån.

Eigd, leigd og nybygd bustad

• Tilskot blir som hovudregel innvilga til eigd bustad. 
• Tilskot kan bli innvilga til tilpassing i leigd bustad dersom husstanden har ein langvarig leigekontrakt. 
• Tilskot kan bli innvilga til leigetakarar i kommunal bustad. Utleigar må godkjenne at arbeidet blir utført, anten bustaden er privat eller kommunalt eigd. 
• Tilskot kan innvilgast til bygging av ny bustad, dersom bustaden er av nøktern og rimeleg stand ut i frå storleik på husstanden.

Som hovudregel blir tilskot til tilpassing innvilga éin gong. Det blir ikkje gitt tilskot til ordinært vedlikehald og oppussing. 

Storleik på tilskotet

Som hovudregel kan det bli gitt tilskot på inntil kr 40 000. Dersom dei totale kostnadane er høgare enn denne summen, kan ein vurdere å innvilge det resterande som startlån. 

I særlege tilfelle kan det bli vurdert å innvilge tilskot over kr 40 000,-

Dette gjeld dersom:

• Husstanden eig bustaden
• Det kan dokumenterast at tilpassinga blir svært kostbar på grunn av husstandens særlege behov for tilpassing
• Husstanden har ikkje økonomi til å betene eit lån.

Det er ein føresetnad at tilpassinga blir forsøkt gjennomført så rimeleg som mogleg.

• Tilskot over kr 40 000,- skal ha pant i bustaden, og blir nedskrive med 10 % kvart heile år 
  husstanden bur i bustaden. 
• Dersom bustaden blir overdratt eller fråflytta, skal resttilskot bli innfridd. Tilskot inntil kr 40 000,- blir avskrive ved utbetaling.

Utbetaling av tilskotet

• Søkjar kan levere faktura frå handverkar/leverandør til kommunen, som då betalar faktura direkte til handverkar/leverandør (inntil innvilga tilskotsbeløp). 
• Alternativt kan søkjar betale faktura sjølv og få refundert tilskotsbeløpet frå kommunen mot å framvise kvittering for betalt beløp. 
• Tilskotet kan ikkje nyttast til å betale for arbeidspengar anna enn til mva-pliktige 
  firma/enkeltpersonføretak. 

Dette kostar tenesta 

Tilskot til tilpassing er i utgangspunktet eit rente- og avdragsfritt lån. Beløp inntil kr 40 000,- er eit reint tilskot og skal ikkje betalast tilbake. 

Lovgrunnlag 

Lov om bustøtte og kommunale bustadstilskot kap II, § 14 til 15, Forvaltningslova § 18 og § 28 til 34 og kommunen sine retningslinjer for startlån og tilskot. 

Søk elektronisk på Startlån og tilskudd fra kommunen - Husbanken 
NB! Startlån og tilskot for bustadtilpassing har same søknadsskjema. Det går dessverre ikkje an å krysse av i skjemaet for at du berre søkjer om tilskot. Du kryssar av for at lånet/tilskotet skal nyttast til tilpassing av bustad. 

Legg ved følgjande dokumentasjon:

• Dokumentasjon på all inntekt, i form av lønnsslippar for tre siste månadar, arbeidskontrakt, ytingar frå Nav eller andre inntekter og ytingar.
• Dokumentasjon på eventuell gjeld.
• Dokumentasjon frå helsepersonell på søkjar sine helsemessige utfordringar, som stadfester og beskriv behovet for tilpassing. Som regel er dette i form av ein rapport frå ergoterapeut som følgjer opp søkjaren og som har vore på heimebesøk i bustaden.
• Pristilbod på tilpassinga frå minimum to handverkarar/leverandørar. 

Behandlingstid er som regel inntil fire veker. Dersom vi må etterspørje dokumentasjon, kan behandlingstida bli forlenga. Dersom vi av andre grunnar ikkje overheld behandlingstid på fire veker, vil søkjar få beskjed om dette. 
For meir informasjon om tilskot til tilpassing, sjå Tilskudd fra kommunen - Husbanken

• Tilskot til tilpassing skal bidra til at personar med nedsett funksjonsevne, som har behov for tilpassa bustad, får gjort dei nødvendige tilpassingane. 
• Målet med tilpassinga er at bustaden skal bli betre eigna og tilrettelagt, og at du kan halde fram med å bli buande heime. 
• Tilskot til tilpassing er økonomisk behovsprøvd. Dersom du har økonomi til å dekke kostnadar ved tilpassinga sjølv, kan du ikkje rekne med å få tilskot til tilpassing. 
• Det blir gjort individuelle vurderingar i kvar sak, der vi gjer ei samla vurdering av husstanden sin økonomi og behov for tilpassing. I vurderinga vil vi også sjå på moglegheiter for å finansiere tilpassinga med 
  startlån.
• Tilskot blir som hovudregel innvilga til eigd bustad. Tilskot kan innvilgast til tilpassing i leigd 
  bustad dersom husstanden har ein langvarig leigekontrakt. 
• Tilskot kan innvilgast til leigetakarar i kommunal bustad. Utleigar må godkjenne at arbeidet blir utført, enten om bustaden er privat eller kommunalt eigd. 
• Tilskot kan innvilgast til bygging av ny bustad dersom bustaden er av nøktern og rimeleg stand ut ifrå storleik på husstanden.
• Som hovudregel blir tilskot til tilpassing innvilga éin gong. Det blir ikkje gitt tilskot til ordinært vedlikehald og oppussing. 

Tilskotet kan bli gitt for å dekke delar av kostnader husstanden har med å utgreiie og kartlegge kva for moglegheiter og avgrensingar som finst når det gjeld tilpassing av bustad. Det kan bli løyvd inntil kr 20 000 i tilskot til prosjektering og inntil kr 20 000 i tilskot til utgreiing.

Fyll ut dette papirskjemaet frå Husbanken og send det til Bjørnafjorden kommune:

Tilskot til prosjektering og utgreiing

Føremålet med tilskotet er å få kartlagt kva for moglegheiter og avgrensingar som finst når det gjeld tilpassing av bustaden. Moglegheitene skal bidra til gode, varige løysingar til nøkterne kostnader.
Vi kan gi tilskot til husstandar der enkeltpersonar har behov for tilpassa bustad. 
 

Tilskot til utgreiing kan nyttast til å kartleggje følgjande forhold:

• moglegheiter og avgrensingar i eksisterande bustad
• uteområde og tilkomst
• tilgjengelegheit inne
• arealbehov
• innreiing og bruk
• om brukar har økonomi til å finansiere tilpassinga sjølv, eller om det er behov for lån og/eller tilskot frå
  kommunen

Tilskot til prosjektering skal dekke:

• Kostnadar til fagleg bistand til prosjektering, det vil seie honorar til arkitekt eller annan fagkyndig. Utgreiing og prosjektering skal utførast av fagkyndig.

Vi kan løyve inntil kr 20 000 i tilskot til prosjektering og inntil kr 20 000 i tilskot til utgreiing. Tilskot til prosjektering og utgreiing er ikkje økonomisk behovsprøvd, men skal skje i samarbeid med ergoterapitenesta i kommunen.