Kriterium for å få tenesta
- Du må vere 18 år eller eldre. Dersom du er under 18 år, blir søknaden behandla saman med verje og tenestene rundt deg.
- Du må ha lovleg opphald i Noreg.
- Du må ha budd i kommunen dei siste to åra. Kommunen kan gjere unntak dersom særlege grunnar talar for det, til dømes sterk tilknyting til kommunen. Kravet gjeld ikkje for flyktningar som blir busette for første gong.
- Husstanden din har ikkje økonomi til å skaffe bustad sjølv.
- Kommunen vurderer mellom anna om du kan kjøpa bustad med startlån eller tilskot, eller om du kan finna bustad på den private marknaden
- Ved behov for omsorgsbustad eller tilrettelagt bustad blir både økonomi og funksjonsevne vurdert.
- Kommunen vurderer også om du kan bli buande i eigen bustad med utbetring eller hjelpemiddel.
Ansvaret ditt
- Du må inngå leigekontrakt med Bjørnafjorden kommune, følgje husordensreglar og husleigelova
- Du må betale husleiga sjølv
- Du må stå for eigne hushaldsutgifter (kjøpe mat, betale rekningar, o.l.)
- Du må ordne med det du treng av møblar og innbu
- Du må halde eit minimum av orden i bustaden
- Du må stå for enkelt vedlikehald i bustaden. Dette blir nærare definert i husleigekontrakten
- Dersom du treng oppfølging for å fungere i bustaden, ber vi deg om å samtykke til eit forpliktande samarbeid (samarbeidsavtale) med kommunen. Så lenge du leiger bustaden kan samarbeidsavtalen berre seiast opp av tenestene.
Lovgrunnlag
Helse- og omsorgstenestelova § 3-1, §3-4 og §3-7, Sosialtenestelova § 15 og bustadsosial lov.
Kva kostar det å leige kommunal bustad?
Prisen varierer noko frå bustad til bustad og ut frå storleik. Dette vil du få beskjed om når du får bustad. Du må betale månadleg husleige og eigendel for eventuell hjelp frå heimehjelpa. Husleiga blir justert årleg.
Kan du velje kva bustad du vil bu i?
Du vil få tilbod om bustad der det er ledig. Vi prøver å kome ønska dine i møte.
Kor lenge kan du bu i ein kommunal bustad?
Leigeperioden kan variere. Din leigeperiode står i husleigekontrakten.
Kor mykje hjelp kan du få i ein kommunal bustad?
Dersom du treng hjelp i form av kommunale tenester, må du søkje om det. Hjelp blir tildelt etter ei individuell vurdering, på same måte som om du budde i ein annan bustad.
Kva betyr buevne?
Buevne ("evne til å bu") handlar om meistring av eigen busituasjon, og omfattar:
- Kvardagsmeistring: Halde orden, følgje rutinar
- Praktiske oppgåver: Matlaging, reinhald, stell av klede
- Økonomi: Betale rekningar, budsjettere
- Tryggleik: Handtere brannvern og risiko
- Sosial fungering: Samspel med naboar og bumiljø
Eg bur i ein bustad som eg eig, men som ikkje lenger er eigna for meg. Eg har svekka helse og har ikkje nokon til å hjelpe meg med å skaffa meg ein annan bustad. Kan eg få kommunal bustad?
Dersom du har økonomi til å skaffe din eigen bustad, er du i utgangspunktet ikkje i målgruppa for kommunal bustad. Dersom du har alvorleg svekka helse, og ikkje har familie eller andre som kan hjelpe deg med å selje bustaden din og skaffe ein meir eigna bustad, kan du søkje Statsforvaltaren om verje for å få hjelp med dette. Det er noko ventetid for å få tildelt verje.
Les retningslinjer for tildeling av utleigebustader for vanskelegstilte i Bjørnafjorden kommune (PDF, 469 kB)
Slik søkjer du
Søk om kommunal bustad ved å fylle ut dette digitale søknadsskjemaet.
Søknadssystemet heiter Kobo, og er utvikla av Husbanken. Det er enkelt, brukarvennleg og ivaretar personvernet ditt.
Det er Bjørnafjorden kommune som mottar og behandlar søknaden din.
Dersom du ikkje har Bank-ID, ta kontakt med bustadkontoret for å søkje på papirskjema. Du kan òg få papirskjema i Kommunetorget på Rådhuset eller tilsendt i posten.
Les dette før du søkjer
Du må legge ved følgjande dokumentasjon:
- Lønns - eller trygdeslipp for dei to siste månadene for alle personar i husstanden.
- Dokumentasjon av eventuelle andre inntekter, til dømes barnebidrag, kontantstøtte, bustøtte, forsikringsutbetalingar, studielån og næringsinntekt.
- Dokumentasjon på faste utgifter, til dømes husleige, barnepass/barnebidrag.
- Dokumentasjon av gjeld: kopi av låneavtale og aktuelt terminbeløp.
- Utskrift av sjølvmelding eller likning for alle i husstanden (ikkje likningsattest).
- Dokumentasjon ved eventuell oppseiing av leigeforhold.
- Viss du er utanlandsk statsborgar: legg ved ved kopi av pass og busettingsløyve (brev frå UDI).
- Dokumentasjon på sosiale, helsemessige eller andre tilhøve som du meiner kan ha betydning for søknaden.
- Du må vere fylt 18 år, og ha budd i Bjørnafjorden kommune dei siste to åra. Vi kan gjere unntak dersom du har ei særleg tilknytning til Bjørnafjorden kommune, og kan vise til eit stort behov for å bu i kommunen.
- Du og dei andre i din husstand må ikkje ha inntekt, formue eller anna som gjer deg i stand til sjølv å skaffe eigna bustad. Ved behov for spesialtilpassa bustad, tildeler vi etter samla vurdering av inntekt og funksjonsevne.
- Bjørnafjorden kommune kan stille krav om at du tek imot hjelpetiltak, slik som butrening, buoppfølging eller liknande. Dersom du har brote tidlegare husleigekontrakter, samarbeidsavtalar eller har gjeld til Bjørnafjorden kommune, kan søknaden om kommunal bustad bli avslått.
Dersom krava over er oppfylde, vurderer og vektlegg vi følgjande:
Du må vere utan eigna bustad eller dokumentere tvingande grunnar til å flytte frå noverande bustad.
Du har av helsmessige eller sosiale årsaker behov for endring av noverande butilhøve.
Du får vanlegvis tildelt bustad med treårig husleigekontrakt. Når kontraktsperioden nærmar seg slutten, må du søke på nytt. Dersom du framleis oppfyller krava for tildeling av kommunal bustad, vil du få tildelt bustad på nytt.